Bronxit

 

Bronxit – selikli qişanın iltihablanması ilə xarakterizə olunan bronx xəstəliyidir. Bugünkü gündə bronxit tənəffüs orqanlarının ən geniş yayılmış xəstəliyi hesab olunur. Bronxitin kəskin və xroniki formalarını qeyd edirlər.

• Bronxitin səbəbləri
• Bronxitin əlamətləri
• Bronxitin diaqnostikası
• Bronxitin müalicəsi
• Bronxitin təhlükəsi
• Bronxitin profilaktikası

 

Bronxitin adi formasından başqa onun aşağıdakı formaları da mövcuddur:

• İrinli bronxit (irinli bəlğəmin ifraz olunması ilə xarakterizə olunur);
• obstruktiv bronxit (bronx spazmları ilə müşayiət olunur).

 

 

Bronxit - bronxların selikli qişalarının şişməsi və qıcıqlanması nəticəsində yaranır.

İltihaba aşağıdakılar səbəb olur:

• viruslar (o cümlədən, kəskin respirator xəstəliklərə gətirib çıxaran);
• toksik kimyəvi preparatlar və maddələr;
• toz;
• allergenlər.

 

Xəstəliyin inkişafına təsir edən və potensial ağırlaşmalara səbəb olan amillər:

• siqaret çəkmə;
• hipotermiya;
• burun tənəffüsünün pozulması;
• fizioloji dəyişikliklər (döş qəfəsinin deformasiyası);
• xroniki xəstəliklər.

 

Uşaqlarda bronxitə aşağıdakı xəstəliklər səbəb ola bilər:

• ekssudativ diatez;
• raxit;
• qızılca;
• göyöskürək (koklüş).

 

 

Bronxit üçün xarakterik olan simptomlar:

• quru və nəm öskürək;
• ümumi halsızlıq;
• təngnəfəslik;
• hərarətin 38 dərəcəyə yüksəlməsi.

 

Özünüzdə oxşar simptomları aşkarladığınız halda, dərhal həkimə müraciət edin. Xəstəliyin qarşısını almaq onun fəsadları ilə mübarizə aparmaqdan daha asandır.

 

 

Bronxitin necə müalicə olunacağını həkim-pulmonoloq müəyyən edir:

• fonendoskopun köməyi ilə ağciyərləri dinləyir;
• bronxoskopiya (traxeyanın və bronxların müayinəsini) həyata keçirir;
• bəlğəmin analizini həyata keçirir;
• ağciyərlərin rentgenini təyin edir;
• ağciyərlərin kompyuter tomoqrafiyasını həyata keçirir (xroniki bronxit zamanı).

 

 

Bronxitin müalicəsinə aşağıdakılar daxildir:

• bəlğəmin çıxarılması üçün bitki həlimləri, bəlğəm gətirən preparatlar;
• bronxları genişləndirən preparatlar;
• antibiotiklər.

 

 

Xroniki bronxit vaxtında və ya lazımi qaydada müalicə olunmadıqda, aşağıdakı təhlükəli xəstəliklərin yaranma riski böyüyür:

• pnevmoniya;
• bronxiolit;
• tənəffüs və ürək çatışmazlığı;
• vərəm;
• ağciyər xərçəngi.

 

 

Bronxitin yaranma riskini azaltmaq üçün həkimlər aşağıdakıları tövsiyə edirlər:

• immuniteti möhkəmləndirmək;
• siqaret çəkməmək;
• iş və ya yaşayış otağının havasını tez-tez dəyişmək;
• özünü həddindən artıq soyuğa verməmək;
• müntəzəm olaraq nəfəs çalışmaları kompleksini icra etmək.